Main » Articles » My Scores » My Scores |
Hrazhesht (Farewell), for Mixed Choir a cappella
Hrazhesht (Farewell), for Mixed Choir a cappella
Composer: Noubar Aslanyan Choir, Vocal Serial Number: 3922 Duration: 4 mins Score: 6 pages Score Type: Computer Generated Composition Date: 2009 All compositions with exactly these instruments Instrumentation: Voice Details: Text:David Meliq Dedicated to the gifted Chorus Master Harutyoun Topikyan Availability: For Sale բնօրինակը © Ազգ Հրատարակված է Հունիս 04, 2009
ԲԱՆԱՍՏԵՂԾԻՆ ԳՏԱՆՔ
«Ազգին» գրել էր Իսրայելում բնակվող կոմպոզիտոր Նուբար Ասլանյանը, որը համա ցանցում կարդալով Դավիթ Մելիքի «Հրաժեշտ» բանաստեղծությունը, շատ հոգեհարա զատ էր համարել, եւ վերածել էր ստեղծագործության` քառաձայն երգչախմբի համար, պարտիտուրն էլ ուղարկել Երեւանի կամերային երգչախմբի ղեկավար Հարություն Թոփիկյանին, խնդրելով նաեւ մեկ օրինակ ուղարկել Դավիթ Մելիքին: Սակայն որոնումները բանաստեղծ Դավիթ Մելիքին չէին հայտնաբերել: Անմիջապես ի դեմս Դավիթ Մելիքի ճանաչեցի որդուս համակուրսեցի եւ շնորհալի բանաստեղծ Դավիթ Մելիքսեթյանին. այո, նա գրել էր «Հրաժեշտ» բանաստեղծությունը եւ շատ ուրախացավ մեր հայտնած լուրից: Դավիթն այդ բանաստեղծությամբ մտովի հրաժեշտ էր տվել Երեւանին: Նա ավարտել է ԵՊՀ աստվածաբանության ֆակուլտե տը, նրա բանաստեղծությունները խիստ պատկերային են եւ որպես իսկական աստվածաբանի մտքի արգասիք` խոր փիլիսոփայական ենթատեքստ ունեն: Այժմ Դավիթը Վայոց ձորի մարզպետի օգնականն է, իսկ Նուբար Ասլանյանին ոգեւորած բանաստեղծությունը սա է. Բաժանման ահն ու թախիծը ծածկած Շինծու ժպիտով` շիկնող, գեղեցիկ, Իմ քաղաքն իր հայացքը հառած Իմ ճանապարհին` մշուշի միջից Մեր հրաժեշտի եղյամն էր մաղում: Ուշ երեկո էր: Կասկադից ներքեւ Լույսերի խաղը նոր էր կատաղում, Եվ հրաժեշտի մեղեդին թեթեւ Անուրջների ու տպավորության Խառնափնջեր էր ճամփեքիս փռում: Տխուր էր պահը: Բայց ողբերգության Ոչ մի հետք չկար կիսախավարում: Մեկն ինձ շշնջաց. «Մեկնումը մահ չէ, Իսկ կյանքում դու ինձ չես մոռանալու: Կարոտի ձայնով ես քեզ կկանչեմ, Եվ ուր էլ լինես ետ ես դառնալու»: Ահա: Ուրախ ենք, որ հենց թերթի էջերում ենք տեղեկացնում «Ազգի» բարեկամ Նուբար Ասլանյանին, որ Դավիթ Մելիքին հայտնաբերել ենք: Նրա էլեկտրոնային հասցեն է` dmeliq@mail.com, իսկ նրա բլոգներից մեկն է` http//orer.livejornal.com/ :
ՄԱՐԻԵՏԱ ԽԱՉԱՏՐՅԱՆ
| |
Views: 1609 | Comments: 5 | Rating: 0.0/0 |
Total comments: 2 | |||
| |||